JISKI AANKH HO DEKH LE VOH...

http://www.youtube.com/watch?v=Ne9VuydFE7s
mummy... a very touching vdo featuring nagma and rishabh...

I cant mince words.. cannot sweet talk...
time has come to get up and speak... the TRUTH...
coz its only the truth... that sets us free...
Are we really free today... just because we have the right to burn... kill and destroy...
Is that real freedom...

I am a freedom fighter... fighting the strongholds... with my words...

My poetry and songs... these are my weapons..
If anybody has ears... Let him hear...
ANIL KANT...


Sach sach kehta hoon main tumse
Jiski aankh ho dekh le vo... Jiske kaan hon vo sunle..


Dekha sab kuchh dekh naa paaye, Suna kaan se sun naa paye
Vaise to ho bade sayane, Seedhi baat nahin samjhe..
Jiski aankh ho dekh le vo... Jiske kaan hon vo sunle..


Ghar ye ik din gir jaayega, Chhota baccha dar jaayega
Naujawan vo mar jaayega, Agar raaste naa badle...
Jiski aankh ho dekh le vo... Jiske kaan hon vo sunle..

Lootne waale khade raah me, Lutne waale badi chaah me
Peechhe waale soch rahe hain, Bade faayde me agley...
Jiski aankh ho dekh le vo... Jiske kaan hon vo sunle..

Andhe ke peechhe hai andhaa,
Andhon ka chal gaya hai dhanda
Aankhon waala khud se bola, Tu bhi aankh ko band kar le..
Jiski aankh ho dekh le vo... Jiske kaan hon vo sunle..

Kitne log hain kitne chehre, Aur chehron ke oopar chehre
Asli hai ya naqli chehre, Pehchaane koi kaise, jiske...
Jiski aankh ho dekh le vo... Jiske kaan hon vo sunle..

Anil Kant..
.................................................................................................................................................

You can hear this poem and other songs from my new album
sach sach kehta hoon... released by trinity sounds...

log on to http://www.trinitysounds.net/

Lakhon hain Bhagwaan....

http://www.youtube.com/watch?v=b0MjvAEwTDk
MUNH MEIN MITTI... must see this one...

Hi friends..
We serve many masters...
ordianary people... we turned them into Gods...
Power... Glamour... Glitter... cults.. religeon..
We are smitten... enamoured... confused
But there is a true GOD... absolutely forgotten...
Hope this poem speaks to you...
Anil Kant...

JAB LAKHON HAIN BHAGWAN...

Jab laakhon hain bhagwan to aisa kyun hai hindustan,
Anginat mile vardaan to aisa kyun hai hindustan...

Hum vishwaasi bharatwaasi,
Har pag sheesh jhukaate hain
Itna aadar insaan to kya, patthar bhi pooje jaate hain
Laakhon sadhu laakhon yantar, Hain pag pag par jaadu mantar
Itne swami, chele karod, hai paas unke har jod tod
Damru duggi, gal me maala,Sar pe bhaboot, keshon waala
Tota bataa raha hai future, Ik mota pooch raha dar dar
Kya pashchim mein ghar ki khidki
Ya poorab mein hai furniture
Jab itna saara gyaan, To aisa kyun hai hindustan..


Koi chauka chhakka maar de to,Mandir unke ban jaate hain
filmon mein hit ho jaayen to,Unko bhagwaan bulaate hain,
Unke bhi mandir bante hain, Aur pooja aarti sajti hai,
Gaye jaate hain bhajan geet, Kya hum logon ki bhakti hai.
Insaan ko bolen param poojya, Charnon ko dho ke peete hain..
Hum aise kitne babaon ke, Aashirwaad se jeete hain.
Jo maange inko milta hai, Jo chaahen woh karvaate hain.
Insaan bana bhagwan to aisa kyun hai hindustan...

Ik aur naya avtaar janam, Apni dharti pe leta hai
Har paanch saal me aata hai, Haan theek kaha ji neta hai
Yeh dono haath se leta hai, Aur kabhi na waapas deta hai
Mazhab ke naam pe leta hai, Bhaasha ke naam pe leta hai
Ladwaata hai marwaata hai, Jalwaata hai katwaata hai
Jab kaam bane na apnon se, Yeh dushman se mil jaata hai
Iske bhi laakhon bhakt yahaan, Aur sewak iske wafadaar
Raja ke ek ishaare pe, Yeh desh jala den baar baar
Neta ki aise shaan, to aisa kyon hai Hindustan..

Lekin kahin pe ik saccha rab, Woh aasmaan mein rota hai
Kehta hai yeh kya mere naam se, Is jahaan me hota hai
Ban gaye khuda insaan sabhi, Bhoolen hai meri shaan sabhi
Jo kehta hain mere sach ko, Sooli mein gadhte hain usko
Dharti pe gar main jaaunga, Mujhko bhi na pehchaanenge,
Hai chamatkaar ko namaskar, Sacchhai kya ye maanenge
Paisa khuda hai, shohrat khuda hai, Taaqat khuda hai, yeh kya hua
Lo maine bhi ab chhod diya, Aur apne mukh ko mod liya
Jab rooth gaya bhagwan, To phir kya hoga hindustan..
Jab rooth gaya bhagwan, To phir kya hoga hindustan..
To phir kya hoga hindustan..

Written By... Anil Kant...
..............................................................................................................

to get your copy of these songs... sung by Anil Kant

log on to http://www.trinitysounds.net/

SHRADHHANJALI.. our homage to freedom fighters...

A poem which I feel should be read by all those who participated in some kind of HOMAGE GIVING ACTIVITY after 26/11 or similar tragedies...
Specially the corrupt politicians and the rich and the famous...
here you Go......

Kasmen leli, baaten karleen, Geet likh diye, lekh bhar diye
Neta aaye, abhineta aaye, Haath utha ke, shapath bhi khaaye
Sabne aansoo bhi tapkaaye,Phir uske baad,
tu apni gali, main apni gali
Lo ho gayi, shaheedon ki, Shraddhanjali...

Suno kya tumne chori chhodi? Laalach ki woh bori chhodi?
Kasam jo khaayi thi woh kya thi?
Aatankwaad se ladenge hum sab
Kya bandook utha sakte ho? Dushman ke ghar jaa sakte ho?
Abhineta jee kya badloge, Rasta apna mod sakoge?
Aatankwad se ladne aaye, Magarmachh ke aansoo laye
Subah shapath aur kasmen haanken
Shaam ko bin kapdon ke naachen...
Sanskaaron ko maar diya hai, Sharm ka parda phaad diya hai
Naam aur shohrat bas dilwa do, Paisa do kuchh bhi karwa lo
Bin matlab ke shapath na khao, Khud ko badlo pehle jaao
Andar gir ke baahar payaa, Socho kaisa beej lagaaya
Gar tumne itna sochaa bhi, Yeh hogi sacchi aapki shradhhanjali...

Netaji tum bhi they aaye, Tumne bhi aansoo tapkaaye
Dushman ko hum naa chhodenge, Unke iraadon ko todenge..
Rishwat lena chhod do pehle, Ghaple karna chhod do pehle
Khet kisaan ke waapas kardo,
Hadpe makaan bhi waapas kar do
Loot ke maal ko baahar nikalo, Jhoot ki daulat baant do sabko
Seedhe saade sewa bhaav se, Sewa karlo tum janta ki...
Bas itna kar lo netaji, Yeh hogi sacchi aapki shraddhanjali....

Aatank se jo ladna hai to, Aage humko badhna hai to
Apne andar jaana hoga, Khud ko hi samjhaana hoga..
Andar se hi sendh lagi hai, Andar se hi desh luta hai
Apne laalach mein hamne hi, Apne ghar ko bech diya hai

Aao pashchataap karen hum, Pehle se kam paap karen hum
Laalach ne hi tabah kiya hai, Ahankaar ne jalaa diya hai
Khud ko khuda na samjho aise, Wahi Khuda hai daro Khuda se
Apna pet na bharte jaao, Phat jaayege, milke khaao,
Jo hamne aisa karne ki ab thaan li,
To hogi samjho sacchi shraddhanjali
Shahidon Ki Shraddhanjali…
.......................................................................................................................................................................

This song has been written composed and sung by Anil Kant and is available in the music album
sach sach kehta hoon... released by TRINITY SOUNDS...
to get your copy log on to
http://www.trinitysounds.net/